ഭക്തിയിലേക്കു വിരക്തിയിലൂടെ നാം
എത്തിയാലല്ലാതെ മുക്തി കിട്ടില്ല, നീ
ശക്തിപൂർവം ചൊന്നു! രക്തഗതം രക്തി
ശക്തമായീ ശരീരത്തിൽ ഒഴുകവെ
എത്തിടാനാവുമോ മുക്തിയിലേക്കെന്ന
ചോദ്യമുയർത്തവെ നീ ചൊന്നതിങ്ങനെ:
നീയൊരു പുസ്തകജ്ഞാനിമാത്രം, സ്വയം
ജ്ഞാനാർഥ സാധനാവീഥിയിലൂടെ ഞാൻ
കണ്ടെത്തിടുന്നവ ചൊന്നിടാമിങ്ങനെ:
ഉണ്ടിവിടെങ്ങും പ്രകാശ,മില്ലില്ലിരുൾ,
വെട്ടമില്ലായ്മയാണിങ്ങതു, വർണങ്ങ-
ളോർമയിൽമാത്രമാം, മിഥ്യയാം യാഥാർഥ്യ-
മെന്നതനുഭവമാണെനി,ക്കിന്നില്ല
രക്തി! വിരക്തിയിൽ ഭക്തി മുക്തിപ്രദം!
No comments:
Post a Comment