Total Pageviews

Thursday 13 September 2012

പരസ്പരം അറിയുമ്പോള്‍

പരസ്പരം അറിയുമ്പോള്‍

ഉണര്‍ന്നല്ലോ മൂന്നാറിൽ സ്ത്രീ !കേരളത്തിൽ പഞ്ചായത്തിന്‍
ഉണര്‍ത്തുപാട്ടിതിലൂടെ,സ്ത്രീയാം ശ്രീയെങ്ങും !!
അയല്‍ക്കാരെ തന്നെപ്പോലെ സ്‌നേഹിച്ചീടാനിങ്ങെല്ലാർക്കും
അയല്‍ക്കൂട്ടങ്ങളില്‍ത്തന്നെ പ്രഥമപാഠം!
അതു പഠിച്ചപ്പോള്‍ നമ്മള്‍ അറിയുന്നു: പരസ്പരം
അറിയുമ്പോഴല്ലോ പുരോഗതി, വികാസം!!

പരസ്പരം സകലതും പങ്കുവയ്ക്കാന്‍ പഠിച്ചീടില്‍
പരന്റെ ലോകത്തില്‍ പരലോകം കണ്ടീടാം.
തനിക്കായി ചെയ്യുന്നവ അപരനും ഗുണം ചെയ്താല്‍
തങ്ങള്‍ക്കെല്ലാം സ്വര്‍ഗം ഭൂവിലുളവാകുന്നു.
തനിക്കായി മാത്രം കര്‍മ്മം ചെയ്യുന്നോരാം നരകത്തിന്‍
തനിപ്പകര്‍പ്പിവിടെയീ ഭൂവില്‍ സൃഷ്ടിപ്പൂ!

ആഴ്ചതോറും അയല്‍ക്കൂട്ടം കൂടീടുന്നൂ, ഞങ്ങള്‍ തമ്മില്‍
ആത്മാര്‍ഥമായ് സ്‌നേഹിക്കുന്നു, പങ്കുവയ്ക്കുന്നു.
പരസ്പരം സുഖം, ദുഃഖം, ധനം, വിദ്യ പങ്കുവയ്ക്കാന്‍
പഠിക്കുമ്പോള്‍ മനുഷ്യത്വം വളരുമല്ലോ.
പരിസരം ശുചിയാക്കാന്‍, മാലിന്യങ്ങള്‍ വളമാക്കാന്‍
പഠിക്കുവാന്‍ അവസരം ലഭിക്കുമല്ലോ!