പ്ലാശനാല്‍ ഗവ. എല്‍, പി, സ്‌കൂളിലെ കുട്ടികള്‍ക്ക് സ്‌കൈപ്പിലൂടെ സ്വാതന്ത്ര്യദിനാശംസകള്‍

http://www.slideshare.net/sebastianpanakal/india-independence-day-celebration
ആഗസ്റ്റ് 15 ഉച്ചകഴിഞ്ഞ് 1-30 മുതല്‍ ലേണ്‍ ഓണ്‍ലൈന്‍ പരിപാടിയുടെ ആഭിമുഖ്യത്തില്‍ വിദേശികളായ വിക്കി അധ്യാപകര്‍ പ്ലാശനാല്‍ ഗവ. എല്‍, പി, സ്‌കൂളിലെ കുട്ടികളുമായി സ്‌കൈപ്പിലൂടെ സംസാരിക്കുകയും സ്വാതന്ത്ര്യദിനാശംസകള്‍ നേരുകയും ചെയ്യുന്നതാണ്. 
ജില്ലാതല ദേശഭക്തിഗാനാലപന മത്സരത്തില്‍ എ ഗ്രേഡോടുകൂടി ഒന്നാം സ്ഥാനം നേടിയിട്ടുള്ള പ്ലാശനാല്‍ ഗവ. എല്‍, പി, സ്‌കൂളിലെ കുട്ടികള്‍ പ്ലാശനാല്‍ സണ്ണീസ് ഗ്രാമഫോണ്‍ മ്യൂസിയത്തില്‍ വച്ച്  സ്വാതന്ത്ര്യദിനം ആഘോഷിക്കുന്നതിനോടനുബന്ധിച്ചാണിത് . സ്‌കൈപ്പിലൂടെ എത്തുന്ന അവർക്ക്  സ്‌കൂള്‍ പൂര്‍വവിദ്യാര്‍ഥി ജോസാന്റണി മൂലേച്ചാലില്‍ സ്‌കൂളിനു ബസ്സ് വാങ്ങാനായി സംഭാവനചെയ്ത ബാലസാഹിത്യകൃതിക്കുവേണ്ടി സ്‌കൂളിലെ  കുട്ടികള്‍ വരച്ച ചിത്രങ്ങളുടെ പ്രദര്‍ശനവും അവരുടെ ദേശഭക്തിഗാന അവതരണവും കാണാനും കേൾക്കാനും സാധിക്കും.  
തുടര്‍ന്ന് സ്വാതന്ത്ര്യസമരത്തില്‍ ഗ്രാമഫോണ്‍ വഹിച്ച പങ്കിനെപ്പറ്റി മ്യൂസിയം ഡയറക്ടർ സണ്ണി മാത്യു നയിക്കുന്ന സെമിനാറും ഉണ്ടായിരിക്കും. 
visit http://geogebraindia.blogspot.in/ also