ചിട്ടവിട്ടവനു 'ചട്ടവട്ട'മതിലിട്ടു പൂട്ടിയൊരു ജീവിതം
വിട്ടുപോകുവതിനൊട്ടുമായിടുകയില്ലയെങ്കിലവനായിതാ
വട്ടുപോയിടുമൊരാറു പാട്ടുകളുമാറു പൂട്ടുകളുമാട്ടുവാന്‍
ആട്ടുകട്ടിലുമൊരുക്കിവച്ചു വിളിയാണു നട്ടുവ'നിവന്‍ വരും!'
ചിട്ടവിട്ടവനു വട്ടുപോകുവതിനെട്ടുപൂട്ടുകളുമാട്ടുവാന്‍
ആട്ടുകട്ടിലുമൊരെട്ടു പാട്ടുകളു; മിട്ടുപൂട്ടിയൊരു ജീവിതം
വിട്ടുപോകുവതിനെട്ടുവാതിലുകളെട്ടു വീഥികളുമുണ്ടു നീ
ഞെട്ടിടേണ്ടയിവിടെട്ടുകെട്ടുമൊരു തട്ടുമുണ്ടിനിയുറഞ്ഞിടാം!
No comments:
Post a Comment