ഇന്ന് ശ്രുതി കണ്‍-ഇ ഗ്രന്ഥലയം പ്രവര്‍ത്തനം
ആരംഭിക്കുകയാണ്.
ഇപ്പോള്‍ അറുപത്തഞ്ചുവയസ്സു കഴിഞ്ഞ
കുറെ മഹദ് വ്യക്തിത്വങ്ങളുമായുള്ള അഭിമുഖസംഭാഷണങ്ങളുടെ വോയ്‌സ് റിക്കാര്‍ഡിങ്
ഇന്നു തുടങ്ങിവയ്ക്കുകയാണ്.
TeachOutLoud എന്ന ആഗോള ദൃശ്യ, ശ്രാവ്യ പുസ്തകപ്രസാധനസംരംഭവുമായി സഹകരിച്ചും ഇന്റര്‍നെറ്റ്
സൗകര്യങ്ങള്‍ ഉപയോഗിച്ചുമായിരിക്കും നമ്മുടെ സംരംഭം പ്രവര്‍ത്തിക്കുക.
'ഞങ്ങളുടെ കുട്ടിക്കാലം' എന്ന
ശ്രാവ്യപുസ്തക പരമ്പരയാണ് ആദ്യസംരംഭം.
അമ്പതു വര്‍ഷം മുമ്പുള്ള കുട്ടികളുടെ ജീവിതം
സ്വാനുഭവങ്ങളുടെ ശബ്ദരേഖകളായി നിങ്ങളുടെ കാതുകളിലെത്തിക്കാനാണ് ഒന്നാം ഘട്ട
പുസ്തകങ്ങള്‍.
ഇപ്പോള്‍ എന്റെ ലിസ്റ്റിലുള്ളവര്‍
ചാക്കോ സി. പൊരിയത്ത്
കെ. എം. ചുമ്മാര്‍
സി. റ്റി. തോമസ് പൂവരണി
രവി പാലാ
ജോര്‍ജ് സി. കാപ്പന്‍
ഇടമറ്റം രത്‌നപ്പന്‍
വി. ജെ. വടാശ്ശേരി
ജെ. പി. ചാലി
ഡോ. കുര്യാസ് കുമ്പളക്കുഴി
ഡോ. സിറിയക്ക് തോമസ്
പാലാക്കാരെ മാത്രം ആദ്യഘട്ടത്തില്‍ ഉള്‍പ്പെടുത്തിയിരിക്കുന്നത്
എന്റെ വ്യക്തിപരമായ സൗകര്യത്തിന്റെ മാത്രം അടിസ്ഥാനത്തിലാണ്.
പ്രശസ്തരുടെ ആത്മകഥകളില്‍നിന്നുള്ള
പ്രസക്തഭാഗങ്ങളടങ്ങുന്നതായിരിക്കും രണ്ടാം ഘട്ടത്തിലെ പുസ്തകങ്ങള്‍.
അക്ഷരസ്ഫുടതയോടെ വായിക്കാന്‍ കഴിയുന്ന
കുട്ടികള്‍ക്കിടയില്‍ ഒരു മത്സരംനടത്തിയശേഷം തെരഞ്ഞെടുക്കപ്പെടുന്നവരായിരിക്കും ആ
പുസ്തകഭാഗങ്ങള്‍ ഹൃദയസ്പര്‍ശിയായി വായിച്ച് അവതരിപ്പിക്കുക.
N.B.
സംരംഭത്തിന്റെ പേരിനെപ്പറ്റി
നാളെ ഇത് അനുഭവസ്ഥരുടെ വാക്കുകളായി, വേദസ്വഭാവമുള്ളതായി, കേള്‍ക്കപ്പെടണം
എന്നു കരുതുന്നതിനാലാണ് ശ്രുതി എന്ന് ആദ്യംതന്നെ കൊടുക്കുന്നത്.
ഓഡിയോ പുസ്തകപ്രസാധനസംരംഭത്തിന്റെ
ഒന്നാ ഘട്ടത്തിനുശേഷം വീഡിയോ പുസ്തകങ്ങളുടെ പ്രസാധനവും ഉദ്ദേശിക്കുന്നുണ്ട്്.
അതുകൊണ്ട് കണ്‍-ഇ-ഗ്രന്ഥ.
എല്ലാ അര്‍ഥത്തിലും ഈ സംരംഭം ഒരു
കണ്ണിയായിരിക്കും.
ഇന്റര്‍നെറ്റ് ഉപയോഗിച്ച് പ്രവര്‍ത്തിക്കുന്നതിനാല്‍
ഈ സംരംഭത്തിലെ ഉത്പന്നങ്ങള്‍ ഇ-ഗ്രന്ഥങ്ങളായിരിക്കും.
ഗ്രന്ഥങ്ങള്‍ ശബ്ദത്തില്‍ ലയിപ്പിച്ച്
ലഭ്യമാക്കുന്നതിനാല്‍ അവസാനം ഗ്രന്ഥലയമെന്നും കൊടുക്കുന്നു.
Please post or forward this message to your
friends
No comments:
Post a Comment