ജീവാംശമുള്ളതാം സര്‍വതു, മെന്നുമീ
ജീവിതാനന്ദമിങ്ങാസ്വദിക്കാന്‍
ദൈവമേ ഹൃത്തില്‍തുളുമ്പും കൃതജ്ഞതാ-
ഭാവമായ്, ഞങ്ങള്‍ക്കു ചൈതന്യമായ് !!
എല്ലാമീ വിശ്വാത്മസംഗീതമെന്നറി-
ഞ്ഞെന്തും കൃതജ്ഞതയര്‍ഹിപ്പതായ്
കണ്ടറി, ഞ്ഞാധിയും വ്യാധിയുമില്ലാതെ
കാരുണ്യമായൊഴുകട്ടെ ഞങ്ങള്‍!!
അങ്ങനെ ശാന്തിയെന്തെന്നറിഞ്ഞീടവെ,
അജ്ഞതയാമിരുള്‍ നൂറുനൂറു
വര്‍ണങ്ങളായി മാറീടു,മീ വിശ്വവും
വര്‍ണോജ്വലസ്വപ്‌നമായി മാറും!
ഇങ്ങുള്ള ഞങ്ങളില്‍ നീ ഞാനാണെന്നുള്ള-
തിങ്ങുള്ളിലുള്ള നേരായറിയും!
ഞങ്ങളില്‍ ജ്ഞാനമായ്, മങ്ങാത്ത
വെട്ടമായ്,
എങ്ങുമങ്ങാണല്ലൊ!! കണ്ണു ഞങ്ങള്‍!!!
No comments:
Post a Comment