ജോസാന്റണി
ഇനിയുള്ള കാലം, ഇനി ഉള്ള കാലം
ഇവിടുള്ളതെല്ലാം കവിയുന്ന കാലം!
അതു വരും കാലം!! വരവിന്റെ കാലം!!!
വരളാത്ത ഹൃദയങ്ങളാര്‍ദ്രമായ് ദൈവം
വരധാരകള്‍പോലെ പാലൊഴുക്കീടാന്‍
പശുവും കിടാവും വെയിലേറ്റു വാടി-
ത്തളരാതെ, വെയിലിലും മഴയിലും വാഴാന്‍
രക്ഷിച്ചിടുന്നോര്‍ ദോഹകര്‍, ഭൂവില്‍
ചൂഷണത്തിന്നെതിരാം വഴി കാണ്മോര്‍!
അവരിവിടെ നാടിന്‍ പുരോഗതിക്കായി
കരളിലൊഴുകീടും കരുണയൊരു പുഴയായ്
ഒഴുകിടാന്‍ ചാലുകള്‍ തീര്‍ക്കുന്ന മര്‍ത്യര്‍!
അവരുടെ വഴിത്താര കാണിച്ചു മംഗളം
സകല മനുഷ്യര്‍ക്കും ചൊരിഞ്ഞിടാനായി
കഥകളെഴുതീടുന്ന മേവിടക്കാരന്‍
മംഗലശ്ശേരിക്കു മംഗളം നേരാം!
No comments:
Post a Comment