നാം നാമബീജം നിതാന്തതാ കാന്തി നാം!
നാമപ്രിയാ, നിന്റെ നാമത്തിനുള്ളിലെ
നാമെന്ന ഭാഗത്തിനര്‍ഥത്തിലാണു നിന്‍
നാമാര്‍ഥബിന്ദു, നീ പോലുമറിഞ്ഞിടാ
നാമെന്ന ഭാവാര്‍ഥ, മുണ്ടു ഞാന്‍ നിന്നിലും
നാമെന്ന ഭാവത്തിലും നിമിഷാര്‍ഥമായ്!
നാമറിയും പൊരുളൊന്ന്; നാമുള്ളതു
നാളെയിലല്ലല്ല, നിത്യതയായ് നിന്നില്‍
നാളമായാളുന്ന സ്‌നേഹോര്‍ജമാണു നാം!
നാളെയോ, ഇന്നലെപോലുള്ളൊരില്ലായ്മ!
നാളെയില്‍ തീനാളമാളുവാന്‍ സനേഹാര്‍ദ്ര-
തീര്‍ഥമായിങ്ങൊഴുകും പുഴയാണു നാം!
നാം നാളെയല്ലല്ല, യിന്നിലാണുള്ളതീ
നാമങ്ങളും രൂപഭാവങ്ങളും നമ്മള്‍
നാദാര്‍ഥമാം പൊരുളെന്നറിയുന്നൊരീ
മണ്‍ചെരാതില്‍ തെളിയും തിരിനാളമായ്
വെണ്മതന്നുണ്മയായുജ്വലിക്കും ക്ഷണം!
No comments:
Post a Comment